რუსთაველის გამზირზე, პარლამენტთან საპროტესტო აქცია მიმდინარეობს. დედაქალაქის მთავარი გამზირი დღესაც გადაიკეტა. აქცია 108-ე დღეა უწყვეტად იმართება.

შეგახსენებთ, 2024 წლის 28 ნოემბერს, პრემიერ-მინისტრმა ირაკლი კობახიძემ განაცხადა, რომ საქართველოს მთავრობამ მიიღო გადაწყვეტილება, 2028 წლის ბოლომდე დღის წესრიგში არ დააყენოს ევროკავშირთან მოლაპარაკებების გახსნის საკითხი - ასევე, 2028 წლის ბოლომდე მთავრობა უარს ამბობს ყოველგვარ საბიუჯეტო გრანტზე ევროკავშირის მხრიდან.

პრემიერ-მინისტრის ამ განცხადებას თბილისსა და რეგიონებში საპროტესტო უწყვეტი აქციები მოჰყვა.

აქციის მონაწილეების მოთხოვნა უცვლელია - ახალი არჩევნების დანიშვნა და აქციების დროს დაკავებულების გათავისუფლება.