დღეს შიიტი მუსლიმები იმამ ჰასანის (იმამ ჰასან იბნ ალი ალ-მუჯთაბა), იმამ ჰუსეინის ძმის და წინასწარმეტყველ მუჰამედის შვილიშვილის დაბადების დღეს აღნიშნავენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, შიიტური მიმდინარეობის მიხედვით, იმამ ჰასანი შიიტების მე-2 იმამი იყო.

„რელიგიის საკითხთა სახელმწიფო სააგენტო ულოცავს შიიტური მიმდინარეობის მუსლიმ თემს იმამ ჰასანის დაბადების დღეს და მშვიდობას უსურვებს მათ“, - ნათქვამია ინფორმაციაში.