იემენელმა „ჰუსიტებმა“ ისრაელის მიერ ღაზას სექტორზე განხორციელებული საჰაერო იერიშები დაგმეს.

„ჩვენ სიონისტური მტრის მიერ ღაზას სექტორის წინააღმდეგ აგრესიის განახლებას ვგმობთ“, - ნათქვამია „ჰუსიტების“ განცხადებაში.

„ჰუსიტების“ განცხადებით, პალესტინელი ხალხის მხარდასაჭერად წითელ ზღვაში გემებზე თავდასხმების ოპერაციებს გააძლიერებენ.

„პალესტინელი ხალხი ამ ბრძოლაში მარტო არ დარჩება. იემენი მხარდაჭერას გააგრძელებს და კონფრონტაციულ ნაბიჯებს გააძლიერებს“, - აცხადებენ „ჰუსიტები“.