რუსებმა, 17 მარტის საღამოდან, უკრაინას Shahed-ისა და სხვა ტიპის 137 დრონით შეუტიეს, უკრაინელებმა 63 მათგანი გაანადგურეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, 64 დრონი ლოკაციურად დაიკარგა.

უკრაინელებმა დრონები ხარკოვის, პოლტავას, სუმის, ჩერნიგოვის, ჩერკასის, კიევის, ვინიცის, კიროვოგრადის, დნეპროპეტროვსკის, ზაპოროჟიეს, ნიკოლაევისა და ხერსონის ოლქებში ჩამოაგდეს.

რუსებმა უკრაინის ტერიტორიისკენ უპილოტო საფრენი აპარატები რუსეთის ქალაქებიდან: შატალოვოდან, კურსკიდან, მილეროვოდან და პრიმორსკო-ახტარსკის გაუშვეს.