„დროა“ - მატჩამდე დაახლოებით ერთი საათით ადრე პოლიციამ უარი თქვა ეკრანის დადგმაზე მოგონილი მიზეზით

[საქართველო-სომხეთის] მატჩამდე დაახლოებით ერთი საათით ადრე პოლიციამ უარი თქვა ეკრანის დადგმაზე მოგონილი მიზეზით, - ამის შესახებ „დროას“ განცხადებაშია ნათქვამი.

„დროის სიმცირის გამო ტექნიკურად შეუძლებელია პრობლემის გადაწყვეტა.

ე.წ. პოლიცია დაემუქრა სატვირთო მანქანის მძღოლს, რომ თუ ტერიტორიას არ დატოვებდა, მას ავტომობილს ჩამოართმევდნენ.

გვინდა, ვუთხრათ შსს-ს, რომ აღარასოდეს მივცემთ შესაძლებლობას მოგონილი მიზეზებით გაწელონ საპროტესტო კონსტრუქციის აწყობა და ამ გზით უკანონოდ არ მოგვცენ რუსთაველის გამზირზე, ან ნებისმიერ სხვა ადგილას საპროტესტო ინფრასტრუქტურის განთავსების შესაძლებლობა.

ბოდიშს ვუხდით იმ მომიტინგეებს, რომლებიც რუსთაველის გამზირზე ეკრანს ელოდებოდნენ”, - აღნიშნულია „დროას“ ინფორმაციაში.

მანამდე, „დროამ“ გაავრცელა ინფორმაცია, რომ რუსთაველის გამზირზე დადგამდა ეკრანს, სადაც საქართველოს ნაკრებს უგულშემატკივრებდნენ.