მარჯანიშვილის მოედნიდან „MEGOBARI აქტის“ მხარდამჭერი მსვლელობა მიმდინარეობს
მარჯანიშვილის მოედანზე შეკრებილმა აქციის მონაწილეებმა რუსთაველის გამზირის მიმართულებით მსვლელობა დაიწყეს.
მსვლელობაში მონაწილეობას, რომელიც „MEGOBARI აქტის“ მხარდასაჭერად იმართება, სხვადასხვა პოლიტიკური პარტიებისა და საზოგადოებრივი მოძრაობების წარმომადგენლები იღებენ.
აქციის მონაწილეებს საქართველოსა და ამერიკის შეერთებული შტატების დროშები, სხვადასხვა შინაარსის ბანერები, აშშ-ს პრეზიდენტის დონალდ ტრამპის, სენატორ ჯიმ რიშის და სხვა სენატორების ფოტოები აქვთ მოტანილი.
აქციის მონაწილეები სკანდირებენ- "საქართველოს გაუმარჯოს", "საქართველოსა და ამერიკის მეგობრობას- გაუმარჯოს".
