უკრაინის საჰაერო ძალების ინფორმაციით, რუსებმა უკრაინას 86 დრონით შეუტიეს
რუსებმა უკრაინას 86 დრონით შეუტიეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.
უკრაინის საჰაერო ძალების ცნობით, 27 მარტის ღამეს რუსულმა ძალებმა უკრაინის მიმართულებით „ისკანდერ-მ“ ტიპის ბალისტიკური რაკეტა და 86 Shahed-ის ტიპის დრონი გაუშვეს.
„მტრის თავდასხმის შედეგად ხარკოვის, სუმის, დნეპროპეტროვსკისა და ჩერნიგოვის ოლქები დაზარალდა“, - აცხადებენ უკრაინის საჰაერო ძალებში.
უკრაინის თავდაცვის ძალებმა ქვეყნის სამხრეთში, ჩრდილოეთსა და ცენტრალურ ნაწილში რუსების მიერ გაშვებული 42 დრონი ჩამოაგდეს, ხოლო 26 უკრაინის ტერიტორიაზე გაუჩინარდა.
