The Guardian - პარიზში „მსურველთა კოალიციის“ სამიტი მიმდინარეობს, სადაც უკრაინისთვის სამხედრო მხარდაჭერის, აშშ-თან ურთიერთობისა და ცეცხლის შეწყვეტის მიღწევის შემთხვევაში შემდგომი მოქმედებების საკითხებს განიხილავენ

პარიზში „მსურველთა კოალიციის“ სამიტი მიმდინარეობს, - ამის შესახებ ინფორმაციას The Guardian-ი ავრცელებს.

ელისეის სასახლეში მიმდინარე „მსურველთა კოალიციის“ სამიტში 30-მდე ქვეყნის ლიდერი მონაწილეობს.

დღევანდელ სამიტზე ლიდერები უკრაინისთვის სამხედრო მხარდაჭერის, აშშ-თან ურთიერთობისა და ცეცხლის შეწყვეტის მიღწევის შემთხვევაში შემდგომი მოქმედებების საკითხებს განიხილავენ.

შეხვედრის დაწყებამდე უკრაინის პრეზიდენტი, ვოლოდიმირ ზელენსკი საფრანგეთის პრეზიდენტს, ემანუელ მაკრონსა და დიდი ბრიტანეთის პრემიერ-მინისტრს, კირ სტარმერს შეხვდა.