„ჰამასის“ ხელმძღვანელი - ღაზაში ცეცხლის შეწყვეტის შესახებ წინადადებას დავთანხმდით
“ჰამასი” დათანხმდა ღაზის სექტორში ცეცხლის შეწყვეტის წინადადებას, რომელიც შუამავლებისგან, ეგვიპტისა და კატარისგან, ორი დღის წინ მიიღო, - Reuters-ის ინფორმაციით, ამის შესახებ “ჰამასის” ხელმძღვანელმა, ხალილ ალ-ჰაიამ განაცხადა.
"ორი დღის წინ მივიღეთ წინადადება ეგვიპტელი და კატარელი შუამავლებისგან. დადებითად განვიხილეთ და მივიღეთ", - განაცხადა ხალილ ალ-ჰაიამ.
ამასთან, წყაროებმა უსაფრთხოების სამსახურიდან Reuters-ს განუცხადეს, რომ ეგვიპტემ მიიღო დადებითი მინიშნებები ისრაელისგან ცეცხლის შეწყვეტის ახალ წინადადებასთან დაკავშირებით.
წყაროების ცნობით, წინადადება ითვალისწინებს „ჰამასის“ მიერ ყოველ კვირას ხუთი ისრაელელი მძევლის გათავისუფლებას.
ისრაელის პრემიერ-მინისტრის ოფისმა განაცხადა, რომ მან გამართა კონსულტაციების სერია შუამავლებისგან მიღებული წინადადების მიხედვით და რომ ისრაელმა შუამავლებს გადასცა კონტრწინადადება შეერთებულ შტატებთან სრული კოორდინაციით.
Reuters-მა ისრაელის პრემიერ-მინისტრის ოფისს მიმართა შეკითხვით, ისინიც დათანხმდნენ თუ არა ცეცხლის შეწყვეტის წინადადებას, მაგრამ პასუხი არ მიუღია.
v-if="article.gallery" v-html="article.gallery"
