კახეთში, უბედურ შემთხვევას 6 წლის ბავშვი ემსხვერპლა. შემთხვევა რამდენიმე დღის წინ თელავის მუნიციპალიტეტის სოფელ ბუშეტში მოხდა.

ადგილობრივები ჰყვებიან, რომ ბავშვი წყალსაცავში ჩავარდა. ის ადგილზე მყოფმა მამაკაცმა შეამჩნია, თუმცა მისი გადარჩენა ვერ მოხერხდა.

მცირეწლოვანი რუსეთის ფედერაციის მოქალაქეა და საქართველოში დედასთან ერთად იმყოფებოდა. შემთხვევის დროს, კომპლექსში, რომლის ტერიტორიაზეც უბედური შემთხვევა მოხდა, სხვადასხვა ქვეყნიდან ჩამოსული პედაგოგების კონფერენცია მიმდინარეობდა.

გარდაცვლილს საკუთარ ქვეყანაში უახლოეს დღეებში გადაასვენებენ. მომხდარის დეტალებს პოლიცია იძიებს.