რუსეთის საჰაერო თავდაცვის ძალებმა ღამით ქვეყნის სამ რეგიონში 93 უკრაინული უპილოტო საფრენი აპარატი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„გასული ღამის განმავლობაში საჰაერო თავდაცვის სისტემებმა გაანადგურეს და მოიგერიეს 93 უკრაინული უპილოტო საფრენი აპარატი“, - აღნიშნულია ინფორმაციაში.

უწყების განმარტებით, ყველაზე მეტი - 87 დრონი - კურსკის ოლქში ჩამოაგდეს. ამასთან, 4 დრონი გაანადგურეს როსტოვში, ორი კი - ბელგოროდში.