საქართველოს პარლამენტის დროებითი საგამოძიებო კომისიის 3 აპრილის სხდომაზე რამაზ ახვლედიანი, გივი თარგამაძე და კახა დაბრუნდაშვილი არიან დაბარებული

საქართველოს პარლამენტის დროებითი საგამოძიებო კომისიის სხდომაზე რამაზ ახვლედიანი, გივი თარგამაძე და კახა დაბრუნდაშვილი დაიბარეს.

საგამოძიებო კომისიის სხდომა 3 აპრილს, 10:00 საათზე, გაიმართება და „საკუთრების უფლების დარღვევის, არაადამიანური მოპყრობის ფაქტებს, სახელმწიფო უსაფრთხოებისა და 2008 წლის აგვისტოს ომის“ თემებს განიხილავენ.

„3 აპრილს, 10:00 საათზე, კონსტიტუციის დარბაზში საქართველოს პარლამენტის დროებითი საგამოძიებო კომისიის მორიგი სხდომა გაიმართება;

სხდომაზე განსახილველი საკითხებია: საკუთრების უფლების დარღვევის, არაადამიანური მოპყრობის ფაქტები; სახელმწიფო უსაფრთხოებისა და 2008 წლის აგვისტოს ომის თემები;

სხდომაზე მოწვეულნი არიან ბატონები - რამაზ ახვლედიანი, გივი თარგამაძე, კახა დაბრუნდაშვილი. სხდომის ბოლოს განხორციელდება მსჯავრდადებულის ჩართვა პენიტენციური დაწესებულებიდან;

სხდომის მიმდინარეობა სრულად გადაიცემა პირდაპირი ტრანსლაციით საზოგადოებრივი მაუწყებლის პარლამენტის არხით და ტელეკომპანია „მაესტროს“ ეთერით. ასევე, საქართველოს პარლამენტის ვებგვერდზე და სოციალურ პლატფორმებზე“, - ნათქვამია ინფორმაციაში.