Reuters - ვლადიმერ პუტინისა და დონალდ ტრამპის წარმომადგენლებმა ვაშინგტონში შეხვედრა გამართეს
რუსეთის პრეზიდენტ ვლადიმერ პუტინის წარმომადგენელი ინვესტიციების საკითხებში, კირილ დმიტრიევი ვაშინგტონში აშშ-ის ოფიციალურ პირებს, მათ შორის აშშ-ის პრეზიდენტ დონალდ ტრამპის სპეციალურ წარმომადგენელ სტივ უიტკოფს შეხვდა, - ინფორმაციას Reuters-ი ამერიკელ ოფიციალურ პირებზე დაყრდნობით ავრცელებს.
Reuters-ი წერს, რომ ეს რუსი ოფიციალური პირის პირველი ვიზიტი აშშ-ში უკრაინაში რუსეთის შეჭრის შემდეგ.
„ტრამპის ადმინისტრაცია აგრძელებს ზეწოლას რუსეთსა და უკრაინაზე იმისთვის, რომ ცეცხლის შეწყვეტაზე შეთანხმდნენ“,- განაცხადეს წყაროებმა Reuters-თან საუბარში.
წყაროების ცნობით, უიტკოფმა დმიტრიევი შეერთებულ შტატებში გასულ კვირას მიიწვია. დმიტრიევი აშშ-ის სანქციების ქვეშ იმყოფება, მაგრამ თეთრმა სახლმა სახელმწიფო დეპარტამენტს დაავალა, მისთვის ქვეყანაში მოგზაურობის მოკლევადიანი ნებართვა გაეცა.
ამასთან, Reuters-ი წერს, რომ დმიტრიევი, შეიძლება, საკვანძო ფიგურა გახდეს აშშ-რუსეთის ურთიერთობების გამოსწორებაში, რომელიც დონალდ ტრამპის იანვრის ინაუგურაციამდე ყველაზე უარესი იყო ცივი ომის პერიოდის შემდეგ.
v-if="article.gallery" v-html="article.gallery"
