აშშ-ის სახაზინო მდივანმა, სკოტ ბესენტმა ქვეყნებს მოუწოდა, დონალდ ტრამპის მიერ გამოცხადებულ ახალ სანქციებს არ უპასუხონ.

„ჩემი რჩევა ყველა ქვეყანისთვის იქნება : ნუ გადაიხდით სამაგიეროს. ნუ იმოქმედებთ, გაიაზრეთ, ვნახოთ როგორ წავა, რადგან თუ საპასუხო ზომებს მიიღებთ, ესკალაცია იქნება", - განუცხადა ბესენტმა Fox News-ს.

შეგახსენებთ, დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა. ტრამპის გადაწყვეტილებით, 34%-იანი ტარიფი დაუწესდება ჩინეთს, ევროკავშირს - 20%-იანი, ვიეტნამს - 46%-იანი, ტაივანს - 32%-იანი, იაპონიას - 24%-იანი, ინდოეთს - 26%-იანი, სამხრეთ კორეას - 25%-იანი, ტაილანდს - 36%-იანი, შვეიცარიას - 31%-იანი, ინდონეზიას - 32%-იანი, მალაიზიას - 24%-იანი, დიდ ბრიტანეთს - 10%-იანი, ისრაელს - 17%-იანი, სამხრეთ აფრიკას - 30%-იანი.