ალეკო ელისაშვილი - ბელარუსისკენ მიაჭენებენ, მაგრამ არ გამოუვათ! - მამაძაღლობებით არიან დაკავებულები, უნდათ არჩევნებს რომ გააყალბებენ, „კანონიერი გაყალბება“ იყოს - ცხვირ-პირს მამაპაპურად, ქართულად დაიმტვრევენ
ბელარუსისკენ მიაჭენებენ, მაგრამ არ გამოუვათ! ბელორუსში გამოუვიდათ, მაგრამ აქ ცხვირ-პირს წაიმტვრევენ - ჯერჯერობით ერთობიან, რაღაც სისულელეებს იღებენ, - ამის შესახებ „ძლიერი საქართველოს" ერთ-ერთმა ლიდერმა, ალეკო ელისაშვილმა განაცხადა, რითაც ცესკოს მიერ გატარებულ ცვლილებებს გამოეხმაურა.
მისივე თქმით, „ქართული ოცნების“ წარმომადგენლები „ცხვირ-პირს მამაპაპურად, ქართულად დაიმტვრევენ“.
„ბელარუსისკენ მიაჭენებენ, მაგრამ არ გამოუვათ... ბელორუსში გამოუვიდათ, მაგრამ აქ ცხვირ-პირს წაიმტვრევენ. ჯერჯერობით ერთობიან, რაღაც სისულელეებს იღებენ. ბელარუსულად უნდათ გააჭენონ, მაგრამ ცხვირ-პირს მამაპაპურად, ქართულად დაიმტვრევენ, ასე დამთავრდება ამათი [„ქართული ოცნების“] მთელი ძალისხმევა. რაღაც მამაძაღლობებით არიან დაკავებულები და უნდათ არჩევნებს რომ გააყალბებენ, ის უკვე უკანონო არ იყოს, „კანონიერი გაყალბება“ იყოს. ძალიან ცოტა ხანში ცხვირ-პირს დაილეწავენ, ეს რაღაც არ გამოუვათ. ამ ყველაფრის გაუქმებაც, გადათქმაც მოუწევთ და ხელისუფლების დათმობაც მოუწევთ“, - განაცხადა ელისაშვილმა.
გარდა ამისა, ელისაშვილი აჭარის მთავრობის თავმჯდომარის, თორნიკე რიჟვაძის მიერ თანამდებობის დატოვების ფაქტსაც გამოეხმაურა და აღნიშნა, რომ „ვიღაც "ცუციკების" გადაადგილებით, არაფერი იცვლება“.
„ათასი ჭორი გავიგე თორნიკე რიჟვაძეზე, რომ შეიძლება გომელაურის მაგივრად გადაიყვანონ, გადმოიყვანონ, მაგრამ რა მნიშვნელობა აქვს. ვიღაც "ცუციკების" გადაადგილებით, არაფერი არ იცვლება“, - აღნიშნა ელისაშვილმა.
v-if="article.gallery" v-html="article.gallery"
