რუსებმა უკრაინას ბალისტიკური რაკეტითა და 46 დრონით შეუტიეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

უკრაინის საჰაერო ძალების ცნობით, თავდაცვის ძალებმა 9 რუსული დრონი ჩამოაგდეს, ხოლო 31 დრონი-იმიტატორი ლოკაციურად დაიკარგა, უარყოფითი შედეგების გარეშე.

რუსეთის თავდასხმის შედეგად ხარკოვის, დნეპროპეტროვსკისა და დონეცკის ოლქები დაზარალდა.

რუსულმა ძალებმა რაკეტა კურსკის ოლქიდან, დრონები კი პრიმორსკო-ახტარსკის ტერიტორიიდან გაუშვეს.