უნგრეთის მთავრობის პრესსპიკერი - ვიქტორ ორბანმა და ირაკლი კობახიძემ უნგრეთსა და საქართველოს შორის ეკონომიკური და სავაჭრო კავშირების გაღრმავების საკითხები განიხილეს
ვიქტორ ორბანმა და ირაკლი კობახიძემ უნგრეთსა და საქართველოს შორის ეკონომიკური და სავაჭრო კავშირების გაღრმავების საკითხები განიხილეს, - ამის შესახებ ინფორმაციას უნგრეთის მთავრობის პრესსპიკერი, ზოლტან კოვაჩი სოციალურ პლატფორმა X-ზე ავრცელებს.
„უნგრეთის პრემიერ-მინისტრი, ვიქტორ ორბანი ანტალიაში საქართველოს პრემიერ-მინისტრს, ირაკლი კობახიძეს შეხვდა და უნგრეთსა და საქართველოს შორის ეკონომიკური და სავაჭრო კავშირების გაღრმავების საკითხები განიხილეს. ასევე, მოლაპარაკებების მიზანს უნგრეთში ივნისში დაგეგმილი უნგრეთ-საქართველოს მთავრობის მომავალი სამიტისთვის მომზადება წარმოადგენდა“, - წერს კოვაჩი.
