ბათუმში, ბარცხანის დასახლებაში, სადაც რამდენიმე დღის წინ, მოზარდი მატარებლის შეჯახების შედეგად გარდაიცვალა, ადგილობრივები საპროტესტო აქციას მართავენ. შეკრებილები ხელისუფლებას მიმართავენ, რომ აღნიშნულ ტერიტორიაზე უსაფრთხოების ზომების დაცვა მოხდეს.

მათი თქმით, მიმდებარე ტერიტორიაზე სკოლაა და უამრავი ბავშვი მოძრაობს. მათი მთავარი მოთხოვნაა, აღნიშნულ ადგილზე გადასასვლელი პანდუსი გაკეთდეს.

„ვითხოვთ, პანდუსებს და უსაფრთხო გადასასვლელებს. გვინდა, რომ უსაფრთხოდ ვიმოძრაოთ. ბავშვი გადმოდიოდა ლიანდაგზე, ვერ შენიშნა მატარებელი, ეს არის უბნის ტრაგედია. გვინდა, რომ შესაბამისი რეაგირება მოხდეს ზემდგომი ორგანოების მხრიდან”,- აღნიშნა მოქალაქემ.