აშშ-ის სახელმწიფო მდივანი მარკო რუბიო და აშშ-ის პრეზიდენტის, დონალდ ტრამპის სპეციალური წარმომადგენელი სტივ უიტკოფი საფრანგეთს ეწვევიან, სადაც უკრაინის შესახებ მოლაპარაკებებს გამართავენ, - ამის შესახებ ინფორმაციას Politico წყაროებზე დაყრდნობით ავრცელებს.
Politico-ს ცნობით, მარკო რუბიო და სტივ უიტკოფი საფრანგეთში მიმდინარე კვირაში ჩავლენ და ფრანგულ მხარესთან მოლაპარაკებებს უკრაინის, ირანისა და სავაჭრო ურთიერთობებთან დაკავშირებული საკითხების შესახებ გამართავენ.
მოსალოდნელია, რომ ვიზიტის ფარგლებში სტივ უიტკოფი საფრანგეთის პრეზიდენტს, ემანუელ მაკრონს შეხვდება, ხოლო მარკო რუბიო მოლაპარაკებებს საფრანგეთის საგარეო საქმეთა მინისტრთან, ჟან-ნოელ ბაროსთან გამართავს.
გამოცემის ინფორმაციით, პარიზში ვიზიტის შემდეგ აშშ-ის სახელმწიფო მდივანი, მარკო რუბიო აფრიკაში გაემგზავრება.
