თბილისსა და რეგიონების ნაწილში ელექტროენერგია ავარიულად გაითიშა
თბილისისა და რეგიონების ნაწილს ელექტროენერგია არ მიეწოდება.
როგორც „ინტერპრესნიუსს“ „საქართველოს ელექტროსისტემაში“ განუცხადეს კავკასიონის ელექტროგადამცემ ხაზზე ავარიის შედეგად, ელექტროენერგიის მიწოდება ქვეყნის მასშტაბით შეიზღუდა.
მათი თქმით, ჯერჯერობით უცნობია ავარიის გამომწვევი მიზეზი, თუმცა როგორც ისინი აცხადებენ, მათი მხრიდან, გამანაწილებელი კომპანიებისთვის ელექტროენერგიის მიწოდება კვლავ ჩვეულ რეჟიმში მიმდინარეობს და ელექტრომომარაგება ქვეყნის მასშტაბით ეტაპობრივად აღდგება.
