შეხვედრები, რომლებიც არ ემსახურება ქვეყანაში დემოკრატიის განმტკიცებას, ხმამაღლა არ საუბრობს იმ მდგომარეობაზე, რაც საქართველოში არის ადამიანის უფლებების მიმართულებით, ჩვენი პოზიცია ცალსახაა, რომ ხელს უწყობს მხოლოდ „ქართული ოცნების“ ე.წ. ლეგიტიმაციის მოპოვებას და ამიტომ, ჩვენი პროტესტი გამოხატულია სწორედ ამ მიმართულებით. ჩვენ არ ვხდებით არცერთ საერთაშორისო ორგანიზაციას, რომელიც არ იცავს დემოკრატიულ პრინციპებს საქართველოში, - ამის შესახებ „კოალიცია ცვლილებისთვის“ წევრმა, გიორგი ბუტიკაშვილმა განაცხადა, რითაც განმარტა, თუ რატომ არ შეხვდნენ „კოალიცია ცვლილებისთვის“ წარმომადგენლები საქართველოში ვიზიტად მყოფ ეუთო-ს გენერალურ მდივანს, ფერიდუნ სინირლიოღლუს.

როგორც ბუტიკაშვილმა აღნიშნა, ეუთო-ს გენერალური მდივანი ორი დღეა საქართველოში იმყოფება და მის ოფიციალური პროგრამაში შეხვედრა არ იყო გათვალისწინებული არც ოპოზიციურ ლიდერებთან, არც არასამთავრობო სექტორთან და მით უმეტეს, არც პატიმრების ოჯახის წევრებთან, „რომლებიც დემოკრატიის დაცვის წინა ხაზზე დგანან“.

„ეუთო-ს გენერალური მდივნის ბრიფინგზე საუბარი იყო მხოლოდ ზოგად თემებზე, უსაფრთხოების საკითხებზე. მან აქაც არ ისაუბრა ვენის მექანიზმზე, რომელიც ადამიანის უფლებების დარღვევის კუთხით ეუთო-მ აამოქმედა. ასევე, მნიშვნელოვანია, რომ მარტში, ეუთო-ს გენერალური მდივანი იმყოფებოდა ლავროვთან და რუსეთს უწოდა, როგორც საიმედო პარტნიორი. შესაბამისად, მსგავსი შეხვედრები, რომლებიც არ ემსახურება ქვეყანაში დემოკრატიის განმტკიცებას, ხმამაღლა არ საუბრობს იმ მდგომარეობაზე, რაც საქართველოში არის ადამიანის უფლებების მიმართულებით, ჩვენი პოზიცია ცალსახაა, რომ ასეთი შეხვედრები მხოლოდ ხელს უწყობს „ქართული ოცნების“ ე.წ. ლეგიტიმაციის მოპოვებას და ამიტომ, ჩვენი პროტესტი გამოხატულია სწორედ ამ მიმართულებით. ჩვენ არ ვხდებით არცერთ საერთაშორისო ორგანიზაციას, რომელიც არ იცავს დემოკრატიულ პრინციპებს საქართველოში, ხმამაღლა არ საუბრობს იმ პროცესებზე, რაც ქვეყანაში ხდება და აძლიერებს „ქართული ოცნების“ პროპაგანდისტულ ნარატივს“, - განაცხადა გიორგი ბუტიკაშვილმა.