ვოლოდიმირ ზელენსკი ემანუელ მაკრონს და კირ სტარმერს შეხვდა

უკრაინის პრეზიდენტი, ვოლოდიმირ ზელენსკი ვატიკანში საფრანგეთის პრეზიდენტს, ემანუელ მაკრონს და გაერთიანებული სამეფოს პრემიერ-მინისტრს, კირ სტარმერს შეხვდა, - ინფორმაციას უკრაინის საგარეო საქმეთა მინისტრი, ანდრეი სიბიგა ავრცელებს.

„ვოლოდიმირ ზელენსკი და ემანუელ მაკრონი პირისპირ საუბრობენ სამშვიდობო ძალისხმევის შესახებ“, - წერს სიბიგა.

მისივე ინფორმაციით, ზელენსკი გაერთიანებული სამეფოს პრემიერ-მინისტრს, კირ სტარმერსაც შეხვდა.

„პრეზიდენტი ზელენსკი აგრძელებს აქტიურ მუშაობას მოკავშირეებთან და ვატიკანში პირისპირ შეხვდა პრემიერ-მინისტრ კირ სტარმერს“, - წერს სიბიგა.

მანამდე, ზელენსკი აშშ-ის პრეზიდენტს, დონალდ ტრამპს შეხვდა.

შეგახსენებთ, ლიდერები ვატიკანში რომის პაპ ფრანცისკეს დაკრძალვაზე დასასწრებად ჩავიდნენ.