მაღაროელის, ტარიელ მიქაცაძის განცხადებით, ჭიათურაში გამთენიისას პროტესტის 4 მონაწილე დააკავეს. როგორც მან „ინტერპრესნიუსს“ განუცხადა, დაკავებას წინ უძღოდა დაპირისპირება. კერძოდ, როგორც მიქაცაძემ აღნიშნა, შუქრუთის მაღაროს დირექტორმა აქციის მონაწილე მაღაროელებს „ნახირის ჯოგი“ უწოდა, რამაც აქციის მონაწილეების გაღიზიანება გამოიწვია.

„აქციის 4 მონაწილე დააკავეს. ოთხივე პროტესტის მონაწილე იყო. ქუთაისის სამხარეო პოლიცია დაგვესხა თავს მოშიმშილეებს კარავში და 3 გაიტაცეს კარვიდან, ერთი კი ოჯახიდან. მიზეზი ოფიციალურად გაცხადებული არ არის. ჩემი ვარაუდით, გუშინ ინციდენტს ჰქონდა ადგილი, შუქრუთის მაღაროს ერთ-ერთ დირექტორმა აქციის მონაწილეებს ნახირის ჯოგი უწყოდა. ამის შემდეგ მოხდა ფიზიკური დაპირისპირება. პოლიციამ აიღო საქმე გამოსაძიებლად. ეს არის ჩემი ვარაუდი. ამ წუთებში გრძელდება პროტესტი“,-აღნიშნა მაღაროელმა ტარიელ მიქაცაძემ.