გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ ინფორმაციას „ენერგო-პრო ჯორჯია“ ავრცელებს.

მათივე ინფორმაციით, ქსელის გეგმური სარეაბილიტაციო სამუშაოების გამო, 2 მაისს 11:00-დან 15:00 საათამდე ელექტროენერგიის მიწოდება შეეზღუდება აბონენტებს მცხეთაში კოსტავას, არმაზის, აღმაშენებლის, მირიანის და მიმდებარე ქუჩებზე; 11:00-დან 18:30 საათამდე აბონენტებს გიორგიწმინდასა და სოფელ გლდანში; 11:30-დან 18:00 საათამდე აბონენტებს თიანეთის რაიონის სოფლებში საყდრიონი და ხევსურთსოფელი; 15:00-დან 18:00 საათამდე აბონენტებს თბილისის მუნიციპალიტეტში სოფელ დიღომში რუსთაველის, გურამიშვილის, ფიროსმანის და მიმდებარე ქუჩებზე.

სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.