რუსეთის საჰაერო თავდაცვის სისტემებმა, გასული ღამის განმავლობაში, ქვეყნის ხუთი რეგიონისა და შავი და აზოვის ზღვების აკვატორიის თავზე 121 უკრაინული დრონი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

მათივე ინფორმაციით, ყველაზე მეტი - 89 დრონი - ოკუპირებულ ყირიმში, ე.წ. ყირიმის რესპუბლიკაში ჩამოაგდეს.

გარდა ამისა, 23 უპილოტო საფრენი აპარატი გაანადგურეს შავი ზღვის თავზე, 4 - კრასნოდარის ტერიტორიაზე, 2 - ორიოლის ოლქში, თითო-თითო კი აზოვის ზღვის, ბრიანსკისა და ბელგოროდის ოლქების თავზე.