იუსტიციის უმაღლეს სკოლასთან, სადაც მოსამართლეთა კონფერენცია უნდა გაიმართოს, აქციებზე დაკავებულთა მშობლები აქციას მართავენ - მათ მოსამართლეებს ე.წ. სირცხვილის კორიდორი მოუწყვეს
იუსტიციის უმაღლეს სკოლასთან, სადაც მოსამართლეთა კონფერენცია უნდა გაიმართოს, საპროტესტო აქციებზე დაკავებულთა მშობლების აქცია მიმდინარეობს.
მშობლებს ხელში უჭირავთ მათი შვილების საქმეებზე გადაწყვეტილების მიმღები მოსამართლეების გამოსახულებით პლაკატები, კერძოდ კი: ნინო გალუსტაშვილის, დავით მამისეიშვილის, თამარ მჭედლიშვილის, ნინო სახელაშვილის, ნათია გუდაძის და სხვების.
მშობლების განცხადებით, ესენი არიან მოსამართლეები, რომელთაც „უსამართლო გადაწყვეტილებები გამოაქვთ“ საპროტესტო აქციებზე დაკავებულთა საქმეებზე.
აქციაზე მყოფმა მშობლებმა, იუსტიციის უმაღლესი სკოლის შესასვლელთან, სადაც მოსამართლეები შედიან, ე.წ. სირცხვილის კორიდორი მოაწყვეს. ისმის შეძახილები: „არ გრცხვენიათ?“, „მონა, მონა“.
ადგილზე მობილიზებულია საპატრულო პოლიციაც.
