მედია - აშშ-ში ვიზიტით მყოფმა სერბეთის პრეზიდენტმა ჯანმრთელობის პრობლემების გამო დაგეგმილი შეხვედრები გააუქმა
აშშ-ში ვიზიტით მყოფმა სერბეთის პრეზიდენტმა ჯანმრთელობის პრობლემების გამო დაგეგმილი შეხვედრები გააუქმა, - ამის შესახებ ინფორმაციას სერბული მედია ავრცელებს.
მედიის ინფორმაციით, სერბეთის პრეზიდენტი, ალექსანდრ ვუჩიჩი, რომელიც აშშ-ში იმყოფება, პარასკევს შეუძლოდ გახდა და სამედიცინო შემოწმების შემდეგ სერბეთში დაბრუნება გადაწყვიტა.
ალექსანდრ ვუჩიჩი ხუთშაბათს ფლორიდაში ნიუ-იორკის ყოფილ მერს, რუდი ჯულიანის შეხვდა.
სერბეთის პრეზიდენტის ადმინისტრაციაში განაცხადეს, რომ ვუჩიჩის ჯანმრთელობის მდგომარეობის შესახებ ინფორმაციას უახლოეს დღეებში გაავრცელებენ.
აშშ-ის პრეზიდენტის, დონალდ ტრამპის სპეციალურმა წარმომადგენელმა, რიჩარდ გრენელმა ვუჩიჩს გამოჯანმრთელება უსურვა.
ცნობისთვის, სერბეთის პრეზიდენტი, ალექსანდრ ვუჩიჩი აშშ-ის პრეზიდენტთან, დონალდ ტრამპთან და „რესპუბლიკური პარტიის“ სხვა მაღალჩინოსნებთან შეხვედრების გამართვის მიზნით აშშ-ში 30 აპრილს ჩავიდა.
v-if="article.gallery" v-html="article.gallery"
