აქტივისტი აცხადებს, რომ ლიფტთან „წიწაკის სპრეი“ და საღებავი შეასხეს

აქტივისტი აცხადებს, რომ „წიწაკის სპრეი“ და საღებავი შეასხეს.

როგორც აქტივისტი ნუცა მახარაძე სოციალურ ქსელში წერს, ერთი პირი მას და მის მეგობარს ლიფტის კართან დახვდა, ე.წ. წიწაკის სპრეი და საღებავი შეასხა და შეურაცხმყოფელი სიტყვებით მიმართა.

„ერთი თვეა მე და ქეთის დაგვდევენ, 15 წუთის წინ ლიფტის კართან დაგვხვდა ერთი არარაობა და წიწაკის სპრეი და საღებავი შეგვასხეს" , - წერს მახარაძე "ფეისბუქზე", რომელსაც ვიდეოს ურთავს და დასძენს, რომ ამავე პირმა მიაძახა, "ნაცი" და აგინა.

მოგვიანებით, გავრცელდა ინფორმაცია, რომ ისინი საავადმყოფოში გადაჰყავთ, რადგან სახეზე დამწვრობა აქვთ.