ინდოეთის საგარეო საქმეთა სამინისტრო - ინდოეთსა და პაკისტანს შორის ცეცხლის შეწყვეტის შეთანხმება ამოქმედდა
ინდოეთსა და პაკისტანს შორის ცეცხლის შეწყვეტის შეთანხმება ამოქმედდა, - ამის შესახებ განცხადებას ინდოეთის საგარეო საქმეთა სამინისტრო ავრცელებს.
„პაკისტანის სამხედრო ოპერაციების გენერალურმა დირექტორმა დღეს, 15:35 საათზე, ინდოეთის სამხედრო ოპერაციების გენერალურ დირექტორს დაურეკა. შეთანხმდნენ, რომ ორივე მხარე შეწყვეტდა ყველა სახის საბრძოლო მოქმედებას ხმელეთზე, ჰაერსა და ზღვაზე დღეს, ინდოეთის სტანდარტული დროით 17:00 საათიდან (თბილისის დროით 15:30 საათი)“, - განაცხადა ინდოეთის საგარეო საქმეთა მდივანმა, ვიკრამ მისრიმ.
ამასთან, აშშ-ის სახელმწიფო მდივნის, მარკო რუბიოს ცნობით, პაკისტანისა და ინდოეთის ოფიციალურ პირებთან მოლაპარაკებებში აშშ-ის ვიცე-პრეზიდენტთან, ჯეი დი ვენსთან ერთად იყო ჩართული.
„მხარეები შეთანხმდნენ, რომ სხვადასხვა საკითხების შესახებ მოლაპარაკებებს ნეიტრალურ ტერიტორიაზე დაიწყებენ“, - დაწერა მარკო რუბიომ X-ზე.
v-if="article.gallery" v-html="article.gallery"
