რუსეთის პრეზიდენტის პრესსპიკერის, დიმიტრი პესკოვის განცხადებით, უკრაინასთან მოლაპარაკებების მიზნები კონფლიქტის ძირითადი მიზეზების აღმოფხვრა და რუსეთის ინტერესების უზრუნველყოფაა.

„მოლაპარაკებების მიზნები ნათელია - კონფლიქტის ძირითადი მიზეზების აღმოფხვრა. ასევე რუსეთის ფედერაციის ინტერესების უზრუნველყოფა“, - განაცხადა პესკოვმა.

მისი მტკიცებით, ვლადიმერ პუტინის წინადადება, უკრაინასთან მოლაპარაკებების შესახებ, კონფლიქტის მშვიდობიანი გადაწყვეტის პოვნის სურვილზე მიუთითებს.

„ეს ძალიან სერიოზული წინადადებაა, რომელიც ადასტურებს მშვიდობიანი გადაწყვეტის პოვნის რეალურ განზრახვას“, - აღნიშნა პესკოვმა.

შეგახსენებთ, ვლადიმერ პუტინმა წუხელ უკრაინას პირდაპირი მოლაპარაკებების განახლება შესთავაზა. მისი თქმით, მოლაპარაკებები ყოველგვარი წინაპირობების გარეშე 15 მაისს, სტამბოლში უნდა დაიწყოს.