უკრაინა HOPE პროექტის ფარგლებში მსოფლიო ბანკისგან დამატებით 84 მილიონ აშშ დოლარს მიიღებს, - ამის შესახებ უკრაინის პრემიერ-მინისტრი, დენის შმიგალი იუწყება.

უკრაინის პრემიერის განცხადებით, აღნიშნულ თანხას eRecovery-ს პროგრამის ფარგლებში, რუსული აგრესიის შედეგად დაზიანებული საცხოვრებლების აღსადგენად გამოიყენებენ.

„საერთო ჯამში, HOPE პროექტი 2025 წლის დეკემბრისთვის 98 000 ოჯახის მხარდაჭერას ისახავს მიზნად. მადლიერები ვართ მსოფლიო ბანკის და ყველა პარტნიორის ომის დროს უკრაინელების მხარდაჭერისთვის“, - აცხადებს შმიგალი.