კანადის ცენტრალურ ნაწილში მასშტაბურ ხანძარს ორი ადამიანის სიცოცხლე ემსხვერპლა.

მედიის ინფორმაციით, გარდაცვალების შემთხვევები მანიტობას პროვინციაში მდებარე ლაკ-დიუ-ბონეს თემში დაფიქსირდა.

ხანძრის გამო თემიდან 1 000-ზე მეტი ადამიანია ევაკუირებული.

ხელისუფლების ცნობით, ამჟამად კანადაში ხანძრის 92 აქტიური კერაა, მათ შორის ბრიტანეთის კოლუმბიაში, ალბერტაში, სასკაჩევანში, მანიტობასა და ონტარიოში. მანიტობაში ხანძრის 24 აქტიური კერაა, რომელთაგან ხუთი უკონტროლოა.