გასული 24 საათის განმავლობაში ისრაელის მიერ ღაზის სექტორში განხორციელებული საჰაერო დარტყმების შედეგად დაღუპულთა რიცხვმა 100-ს გადააჭარბა
გასული 24 საათის განმავლობაში ისრაელის მიერ ღაზის სექტორში განხორციელებული საჰაერო დარტყმების შედეგად დაღუპულთა რიცხვმა 100-ს გადააჭარბა, - ინფორმაციას BBC ადგილობრივ ჯანდაცვის ორგანოზე დაყრდნობით ავრცელებს.
მათივე ცნობით, დაღუპულთა უმეტესობა, მათ შორის ქალები და ბავშვები, ჩრდილოეთ ღაზის ჯაბალიის რაიონში იმყოფებოდნენ, რა დროსაც ისრაელმა ავიაიერიშები განახორციელა.
ამასთან, როგორც BBC წერს, ღაზის სექტორში არსებული 10-ზე მეტი საქველმოქმედო ორგანიზაცია იუწყება, რომ რეგიონში ჰუმანიტარული კრიზისი სულ უფრო უარესდება.
იქამდე კი ცნობილი გახდა, რომ ისრაელის სამხედროებმა ღაზის რამდენიმე რაიონში მცხოვრები მოსახლეობისთვის ევაკუაციის ახალი ბრძანებები გასცეს. ევაკუაციის ბრძანების გაცემიდან მალევე, ისრაელის თვითმფრინავებმა ღაზის ქალაქებში რამდენიმე საჰაერო დარტყმა განახორციელეს.
v-if="article.gallery" v-html="article.gallery"
