„კოალიცია ცვლილებისთვის“ ერთ-ერთი წევრის ნანა მალაშხიას განცხადებით, მას საპროტესტო აქციაზე დაკავებულ მათე დევიძის სასამართლო პროცესზე დასწრება უნდა, თუმცა, მას სასამართლოს შენობაში არ უშვებენ.

როგორც "ინტერპრესნიუსთან" მოლაშხიამ განაცხადა, ის ნარკოდანაშაულში ბრალდებულ ნიკუშა კაციას სხდომას ესწრებოდა, გარეთ მომხდარ ინციდენტში მონაწილეობა არ მიუღია, რის გამოც მისთვის გაუგებარია, თუ რატომ არ უშვებენ შენობაში.

“არ მიშვებენ, ვეკითხები მიზეზს და არ მპასუხობენ. ნიკუშა კაციას პროცესზე ბოლომდე ვიყავი, გარეთაც კი არ გამოვსულვარ ინციდენტის დროს, მონაწილეობა არ მიმიღია, პროცესი დასრულდა და გამოვედი. 14:00 საათზე მათე დევიძის სხდომაა, შესვლა მინდა და არ მიშვებენ. მიზეზს არ მეუბნებიან",- განაცხადა მოლაშხიამ.

სასამართლოს შენობაში არ უშვებენ ასევე "ზურაბ გირჩი ჯაფარიძეს", როგორც ის განმარტავს, მას უთხრეს, რომ "მანდატური დაწყევლა და ამის გამო არ უშვებენ". როგორც ჯაფარიძე აღნიშნავს, ის ახლა არკვევს, რა პერიოდით აუკრძალეს სასამართლოს შენობაში შესვლა.