ვატიკანში პაპ ლეო XIV-ის ინტრონიზაციის ცერემონიაზე უკრაინის პრეზიდენტი, ვოლოდიმირ ზელენსკი აშშ-ის ვიცე-პრეზიდენტ ჯეი დი ვენსს შეხვდა, - ინფორმაციას უკრაინული მედია ავრცელებს.

მედია ავრცელებს ფოტოს, სადაც უკრაინის პრეზიდენტი და აშშ-ის ვიცე-პრეზიდენტი ერთმანეთს ხელს ართმევენ და წერს, რომ ისინი 28 თებერვალს, თეთრ სახლში კამათის შემდეგ პირველად შეხვდნენ ერთმანეთს.

ვატიკანში დღეს პაპი ლეო XIV-ის ინტრონიზაციის ცერემონია გაიმართა. საზეიმო ღონისძიებას სხვადასხვა ქვეყნის ლიდერები და ოფიციალური პირები დაესწრნენ.