ჯეი დი ვენსი - ვოლოდიმირ ზელენსკისთან შეხვედრაზე ცეცხლის შეწყვეტისა და ხანგრძლივი მშვიდობის შესახებ მიმდინარე მოლაპარაკებები განვიხილეთ
ამერიკის შეერთებული შტატების ვიცე-პრეზიდენტის, ჯეი დი ვენსის განცხადებით, უკრაინის პრეზიდენტ ვოლოდიმირ ზელენსკისთან შეხვედრაზე ცეცხლის შეწყვეტისა და ხანგრძლივი მშვიდობის შესახებ მიმდინარე მოლაპარაკებები განიხილეს.
მისი თქმით, უკრაინა და შეერთებული შტატები უკრაინაში სისხლისღვრის დასრულების მიზანს იზიარებენ.
„სახელმწიფო მდივან მარკო რუბიოსთან ერთად პრეზიდენტ ზელენსკის შევხვდი. ჩვენი ქვეყნები იზიარებენ უკრაინაში არასაჭირო სისხლისღვრის დასრულების მიზანს. განვიხილეთ განახლებული ინფორმაცია ცეცხლის შეწყვეტისა და ხანგრძლივი მშვიდობის შესახებ მიმდინარე მოლაპარაკებებზე“, - წერს აშშ-ის ვიცე-პრეზიდენტი სოციალურ ქსელში.
შეგახსენებთ, უკრაინის პრეზიდენტს, აშშ-ის ვიცე-პრეზიდენტს და აშშ-ის სახელმწიფო მდივანს შორის შეხვედრა ვატიკანში ახალი პაპის, ლეო XIV-ის საინაუგურაციო წირვის შემდეგ გაიმართა.
v-if="article.gallery" v-html="article.gallery"
