დიდი ბრიტანეთი ღაზის სექტორისთვის ჰუმანიტარული დახმარების სახით 5.4 მილიონ დოლარს გამოყოფს

დიდი ბრიტანეთი ღაზის სექტორისთვის ჰუმანიტარული დახმარების სახით 5.4 მილიონ დოლარს გამოყოფს, - ამის შესახებ დიდი ბრიტანეთის საერთაშორისო განვითარების მინისტრმა, ჯენიფერ ჩეპმენმა განაცხადა.

„ღაზაში ძალიან ცოტა ჰუმანიტარული დახმარების მანქანა შედის. დიდი ბრიტანეთი ნათლად აცხადებს, რომ პალესტინელი ხალხის ტანჯვის გახანგრძლივებით ისრაელი უსაფრთხოებას ვერ უზრუნველყოფს“, - განაცხადა ჯენიფერ ჩეპმენმა.

ცნობისთვის, გუშინ დიდი ბრიტანეთის, საფრანგეთისა და კანადის მთავრობებმა ერთობლივი განცხადება გაავრცელეს, რომელშიც „ისრაელს განახლებული სამხედრო შეტევების შეწყვეტისკენ მოუწოდეს“.

გაერთიანებული სამეფოს საგარეო საქმეთა მინისტრმა, დევიდ ლემიმ განაცხადა, რომ ღაზის სექტორის ბლოკადის გამო, ისრაელთან სავაჭრო მოლაპარაკებები შეაჩერეს.