ევროპის მასშტაბით უცხოური გავლენის კანონების წარდგენა ხდება - რაც მიუღებლად მიიჩნევა საქართველოში ან უნგრეთში, იგივე საზომით უნდა ფასდებოდეს გერმანიაში ან რუმინეთში, - ამის შესახებ ევროპის საბჭოს გენერალურმა მდივანმა, ალენ ბერსემ განაცხადა.

მისი თქმით, კანონები ორმაგის სტანდარტების გარეშე უნდა განიხილებოდეს.

“ევროპის მასშტაბით უცხოური გავლენის კანონების წარდგენა ხდება. მათი მიზანი შესაძლოა ლეგიტიმური იყოს. მაგრამ, როგორც ნათელი გავხადე, ეს ზომები კრიტიკის ჩასახშობად ან სამოქალაქო სივრცის შესაზღუდად არ უნდა გამოიყენებოდეს.

ეს კანონები ორმაგი სტანდარტების გარეშე უნდა განიხილებოდეს, განსაკუთრებით სასამართლოს მიერ. რაც მიუღებლად მიიჩნევა საქართველოში ან უნგრეთში, იგივე საზომით უნდა ფასდებოდეს გერმანიაში ან რუმინეთში”, - განაცხადა ევროპის საბჭოს გენერალურმა მდივანმა, ალენ ბერსემ.