სამშვიდობო პროცესის შესახებ მემორანდუმზე მუშაობა გრძელდება, მემორანდუმი შეიცავს კონფლიქტის მოგვარების პრინციპებსა და ვადებს, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.

„რუსეთი აგრძელებს მემორანდუმის პროექტის შემუშავებას მომავალი სამშვიდობო ხელშეკრულების შესახებ, რომელშიც განსაზღვრულია მთელი რიგი პოზიციები, როგორიცაა მოგვარების პრინციპები, შესაძლო სამშვიდობო შეთანხმების დადების ვადები, გარკვეული პერიოდის განმავლობაში შესაძლო ცეცხლის შეწყვეტა იმ შემთხვევაში, თუ, ხაზგასმით აღვნიშნავ, შესაბამისი შეთანხმებები იქნება მიღწეული“, - აღნიშნა ზახაროვამ.

მისი თქმით, მემორანდუმი უკრაინულ მხარეს მომზადებისთანავე გადაეცემა.

„ველით, რომ უკრაინული მხარეც იგივე სამუშაოს შეასრულებს და თავის დასკვნებს რუსული დოკუმენტის მიღებასთან ერთად გამოგვიგზავნის“, - აღნიშნა ზახაროვამ.