ბათუმის საქალაქო სასამართლოში, გამოცემა „ბათუმელებისა“ და „ნეტგაზეთის“ დამფუძნებლის მზია ამაღლობელის პროცესზე ადვოკატები სამ მოწმეს წარადგენენ.

პროცესზე დაცვის მხარის მიერ მოწვეულთა შორისაა ფიზიოლოგიური ტკივილის სპეციალისტი, მედიცინის მეცნიერებათა დოქტორი თათია ანდღულაძე, რომლის გამოკითხვა ამ წუთებში მიმდინარეობს. მისი თქმით, ირაკლი დგებუაძის მიმართ დარტყმის შედეგად მიყენებული ტკივილი არ აღიქმება. მისივე განცხადებით, ტკივილის ობიექტური ნიშნები არ იკვეთება.

ცნობისთვის, მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მზია ამაღლობელი, ბათუმში, პოლიციის მთავარ სამმართველოსთან აქციის დროს თავდაპირველად ადმინისტრაციული წესით დააკავეს, დაახლოებით ორ საათში გამოუშვეს. გათავისუფლებიდან რამდენიმე წუთში კი, ის სამმართველოსთან კვლავ დააკავეს.