მზია ამაღლობელის სასამართლო პროცესზე, მოწმის სახით, გამოცემა „ბათუმელების“ ჟურნალისტი მანანა ქველიაშვილი იკითხება
ბათუმის საქალაქო სასამართლოში, გამოცემა „ბათუმელებისა“და „ნეტგაზეთის” დამფუძნებლის მზია ამაღლობელის სასამართლო პროცესზე, მოწმის სახით გამოცემა „ბათუმელების“ ჟურნალისტი მანანა ქველიაშვილი იკითხება. ამასთან, პროცესზე მანანა ქველიაშვილის მიერ გადაღებული ვიდეო მტკიცებულების შესწავლა ხდება.
ცოტა ხნის წინ, სასამართლოს ჩვენება მისცა ადვოკატების მიერ მოწვეულმა ფიზიოლოგიური ტკივილის სპეციალისტმა, მედიცინის მეცნიერებათა დოქტორმა თათია ანდღულაძემ. როგორც მან განაცხადა, ბათუმის პოლიციის უფროსის ირაკლი დგებუაძის სახეზე ტკივილის ობიექტური ნიშნები არ გამოიკვეთა.
აღსანიშნავია, რომ მზია ამაღლობელის საქმეზე პროკურატურის მიერ წარმოდგენილი მოწმეთა გამოკითხვა დასრულდა. საქმეს მოსამართლე ნინო სახელაშვილი განიხილავს.
ცნობისთვის, მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მზია ამაღლობელი, ბათუმში, პოლიციის მთავარ სამმართველოსთან აქციის დროს თავდაპირველად ადმინისტრაციული წესით დააკავეს, დაახლოებით ორ საათში გამოუშვეს. გათავისუფლებიდან რამდენიმე წუთში კი, ის სამმართველოსთან კვლავ დააკავეს.
v-if="article.gallery" v-html="article.gallery"
