ჭკვიანური იქნება, რომ სირიამ ასადის გადაწყვეტილება შეაბრუნოს და შეწყვიტოს აფხაზეთის ცრუ “ელჩთან” შეხვედრები. ამის შესახებ კონგრესმენი ჯო უილსონი (რესპუბლიკური პარტია) X-ის საკუთარ გვერდზე წერს.

აღნიშნული განცხადებით უილსონი სირიის უმაღლესი განათლებისა და მეცნიერული კვლევის მინისტრ, მარვან ალ-ჰალაბისა და ოკუპირებული აფხაზეთის ე.წ. “ელჩს”, მოჰამედ ჯალილოვიჩ ალის შორის რამდენი კვირის წინ გამართულ შეხვედრას ეხმაურება.

“მანამ, სანამ ომის დამნაშავე პუტინი ალეპოს გაანადგურებდა, ის უკანონოდ შეიჭრა და საქართველოს ოკუპაცია მოახდინა, რითაც ქვეყანა გაყო და აფხაზეთისა და სამხრეთ ოსეთის ცრუ “მთავრობები” შექმნა, რომლებიც აღიარა მხოლოდ პუტინმა, სასტიკმა ასადმა, ვენესუელამ, ნიკარაგუამ და ნაურუმ.

ჭკვიანური იქნება, რომ სირიამ ასადის გადაწყვეტილება შეაბრუნოს და შეწყვიტოს აფხაზეთის ცრუ “ელჩთან” შეხვედრები”, - წერს უილსონი.