დონალდ ტრამპი ნატო-ს სამიტში მონაწილეობას მიიღებს, - ამის შესახებ თეთრი სახლის პრესსპიკერმა, კეროლაინ ლევიტმა განაცხადა.

„დიახ, შემიძლია დავადასტურო, რომ ის ნატო-ს სამიტზე გაემგზავრება“, - განაცხადა თეთრი სახლის პრესსპიკერმა.

მანამდე, ორშაბათს, უკრაინის პრეზიდენტმა, ვოლოდიმირ ზელენსკიმ განაცხადა, რომ ჰააგაში ნატო-ს სამიტზე უკრაინა მიიწვიეს.

„ჩვენ ნატო-ს გენერალურ მდივანს შევხვდით. ნატო-ს სამიტზე მიგვიწვიეს. ვფიქრობ, ეს მნიშვნელოვანია“, - აღნიშნა ვოლოდიმირ ზელენსკიმ.

ცნობისთვის, ნატო-ს 2025 წლის სამიტი ჰააგაში 24-25 ივნისს გაიმართება.