სტუდენტებმა რუსთაველის გამზირზე ბანერის წარწერით: „ვიბრძვით სტუდენტების თავისუფლებისათვის” გაშლა სცადეს, თუმცა პოლიციამ გზის გადაკეტვის საშუალება არ მისცა
რუსთაველის გამზირზე თათია აფრიამაშვილის და ლიკა ლორთქიფანიძის მხარდამჭერი აქცია მიმდინარეობს.
აქციის მონაწილეებმა პარლამენტის წინ საპროტესტო ბანერი გაშალეს წარწერით: “ ვიბრძვით სტუდენტების თავისუფლებისათვის”.
აქციის მონაწილეებმა თავდაპირველად ბანერის უშუალოდ გზის სავალ ნაწილზე გაშლა სცადეს, თუმცა სამართალდამცავებმა მათ გზის გადაკეტვის უფლება არ მისცეს.
დემონსტრანტები სკანდირებენ: “მარიამ ლაშხი მონა”.
შეგახსენებთ, სამოქალაქო აქტივისტებს - თათია აფრიამაშვილსა და ლიკა ლორთქიფანიძეს „ქართული ოცნების“ დეპუტატის, მარიამ ლაშხის შეურაცხყოფის საქმეზე 12-დღიანი ადმინისტრაციული პატიმრობა შეეფარდათ.
საქმე 17 მაისს მომხდარ ინციდენტს ეხება, როდესაც კაფეში მყოფ დეპუტატთან, მარიამ ლაშხთან, აქტივისტები ლიკა ლორთქიფანიძე, თათია აფრიამაშვილი და მაგდა მამუკაშვილი მივიდნენ და მიმართეს შეძახილებით: - „თავისუფლება რეჟიმის ტყვეებს", "ძირს რუსული რეჟიმი". მარიამ ლაშხმა, რომელიც მომხდარის დროს შვილებთან ერთად იმყოფებოდა, აქტივისტების წინააღმდეგ სასამართლოს მიმართა.
v-if="article.gallery" v-html="article.gallery"
