თბილისის საქალაქო სასამართლოში ე.წ. მოლოტოვის კოქტეილის ფლობისთვის, აქციაზე დაკავებული დავით ხომერიკის სასამართლო პროცესი მიმდინარეობს.

დღევანდელ სასამართლო პროცესზე მტკიცებულებების გამოკვლევა მოხდება, კერძოდ დაიკითხება ბრალდების მხარის მიერ მიყვანილი მოწმე.

ცნობისთვის, 2024 წლის 2 დეკემბერს დავით ხომერიკი აქციების დროს თავდაპირველად ადმინისტრაციული წესით, გზის გადაკეტვის ბრალდებით დააკავეს. თუმცა დაკავებისას მას ცეცხლგამჩენი მოწყობილობები აღმოუჩინეს, რომელიც პროკურორის მტკიცებით, გამოყენებისთვის იყო გამზადებული.