ბათუმში, მუსლიმი მრევლი ყურბან ბაირამს აღნიშნავს. მორწმუნეები ბათუმის მთავარ მეჩეთში დილიდან შეიკრიბნენ. სადღესასწაულო ლოცვა საქართველოს მუფთმა ადამ შანთაძემ აღავლინა.

მუსლიმი მორწმუნეების თქმით, მსხვერპლად შეწირული შინაური ცხოველის ხორცს ახლობლებსა და უპოვრებს გაუნაწილებენ, ასევე მიცვალებულთა საფლავებზე გავლენ.

მუსლიმ მრევლს ბაირამის დღესასწაული ადგილობრივი მთავრობის წარმომადგენლებმაც მიულოცეს.