რუსებმა უკრაინას 6 ივნისის ღამეს 452 დრონით და რაკეტით შეუტიეს, უკრაინის საჰაერო თავდაცვამ მტრის კუთვნილი 406 სამიზნე გაანეიტრალა, - ინფორმაციას უკრაინული მედია ავრცელებს.

მათივე ინფორმაციით, რუსებმა უკრაინას Shahed-ისა და სხვა ტიპის 407 დრონით შეუტიეს. თავდასხმის დროს მათ ასევე გამოიყენეს „ისკანდერ-M/KN-23“ ტიპის 6 ბალისტიკური რაკეტა, რომლებიც კურსკისა და ვორონეჟის ოლქებიდან გაუშვეს, Х-101 ტიპის 36 ფრთოსანი რაკეტა, „ისკანდერ-კ“ ტიპის 2 ფრთოსანი რაკეტა და Х-31П ტიპის ანტისარადარო რაკეტა.

უკრაინელების მიერ განეიტრალებულ დრონებსა და რაკეტებს შორის იყო : Shahed-ისა და სხვა ტიპის 199 უპილოტო საფრენი აპარატი, „ისკანდერ-M/KN-23“ ტიპის 4 ბალისტიკური რაკეტა, X-101 ტიპის 30 ფრთოსანი რაკეტა. ამასთან, 169 დრონი ლოკალურად დაიკარგა.