შვეიცარიის მშვიდობისა და ადამიანის უფლებების დეპარტამენტი - უცხოეთის აგენტების რეგისტრაციის აქტი (FARA) იწვევს შეშფოთებას - მოვუწოდებთ საქართველოს, დარჩეს ერთგული ადამიანის უფლებების დაცვისა და დემოკრატიული პრინციპების მიმართ
უცხოეთის აგენტების რეგისტრაციის აქტი (FARA) იწვევს შეშფოთებას გამოხატვის თავისუფლების, გაერთიანების თავისუფლების, მედიის თავისუფლებისა და სამოქალაქო საზოგადოების სივრცის შეზღუდვასთან დაკავშირებით, - ამის შესახებ შვეიცარიის საგარეო საქმეთა სამინისტროს მშვიდობისა და ადამიანის უფლებების დეპარტამენტი X-ზე გამოქვეყნებულ განცხადებაში წერს.
დეპარტამენტი საქართველოს ადამიანის უფლებების დაცვისა და დემოკრატიული პრინციპების მიმართ ერთგულების შენარჩუნებისკენ მოუწოდებს.
„მშვიდობისა და ადამიანის უფლებების დეპარტამენტი მოუწოდებს საქართველოს, დარჩეს ერთგული ადამიანის უფლებების დაცვისა და დემოკრატიული პრინციპების მიმართ“, - აღნიშნულია განცხადებაში.
