გიორგი ვაშაძე - უნდა შევთანხმდეთ, თუ რას ვეძახით არჩევნებს - იმედი მაქვს, საბოლოოდ, ყველა რაციონალურ გადაწყვეტილებას მიიღებს და ყველა ვიტყვით, რომ ცირკი, რომელსაც „ქართული ოცნება“ დადგამს, არჩევნები არ არის!
უნდა შევთანხმდეთ, თუ რას ვეძახით არჩევნებს - ის, რაც 5 ოქტომბერს არის დაგეგმილი, არჩევნები არ არის! იმედი მაქვს, საბოლოოდ, ყველა რაციონალურ გადაწყვეტილებას მიიღებს და ყველა ვიტყვით, რომ ცირკი, რომელსაც „ქართული ოცნება“ დადგამს, არჩევნები არ არის! - ასე უპასუხა „სტრატეგია აღმაშენებლის“ ლიდერმა გიორგი ვაშაძემ ოპოზიციის ადგილობრივ არჩევნებში მონაწილეობის თაობაზე დასმულ კითხვას.
ვაშაძის თქმით, არ არსებობს საარჩევნო ადმინისტრაცია და ის იოტისოდენა საკანონმდებლო ჩარჩო, რომელიც ამომრჩევლებს თავისუფალი ნების გამოვლენის შესაძლებლობას მისცემს.
„პირდაპირ გეუბნებით: - 26 ოქტომბრის გაყალბებული და გადაწერილი არჩევნების შემდგომ ყველაფერი გაუარესდა.
პოლიტიკური ლიდერები ან სისხლის სამართლის დევნაში ან საპატიმრო დაწესებულებაში არიან. გვყავს სინდისის პატიმრები. დამკვირვებლებს არჩევნებზე დაკვირვება ეზღუდებათ.
ჩამოვყალიბდეთ, რას ვეძახით არჩევნებს - ჩემთვის ეს არჩევნები არ არის!
არჩევნებია, როცა ადამიანს მეტ-ნაკლებად თავისუფალი ნების გამოხატვის შესაძლებლობა აქვს.
რაც შეეხება საუბარს, მე ყველას დაველაპარაკები. იმედი მაქვს, საბოლოოდ, ყველა რაციონალურ გადაწყვეტილებას მიიღებს და ყველა ვიტყვით, რომ ცირკი, რომელსაც „ქართული ოცნება" დადგამს, არჩევნები არ არის!" - განაცხადა ვაშაძემ.
v-if="article.gallery" v-html="article.gallery"
