რუსეთში გაუჩინარებული „ან-2“ ტიპის თვითმფრინავი იპოვეს
რუსეთში გაუჩინარებული „ან-2“ ტიპის თვითმფრინავი იპოვეს, ეკიპაჟის ყველა წევრი ცოცხალია, - ამის შესახებ ინფორმაციას რუსული მედია ავრცელებს.
„თვითმფრინავი იპოვეს, ყველა ცოცხალია“, - დაწერა იაკუტიის ეკოლოგიისა და სოფლის მეურნეობის მინისტრმა, ევგენი პერფილიევმა „ტელეგრამის“ არხზე.
შეგახსენებთ, მსუბუქი მრავალფუნქციური „ან-2“ ტიპის თვითმფრინავი იუკუტიაში დღეს დილით მაშინ გაუჩინარდა, როდესაც ტყის ხანძრების საჰაერო მონიტორინგს ახორციელებდა.
„როსავიაციის“ ცნობით, თვითმფრინავის ბორტზე ხუთი ადამიანი იმყოფებოდა, მათ შორის, ორი პილოტი და სამი სპეციალისტი დამკვირვებელი.
